म कानुनको विद्यार्थी होइन । तैपनि, कानुनका विज्ञ, पूर्वन्यान्यायाधीश भरतराज उप्रेतीले जीवनको अन्तिम घडीमा गरेको फैसलाउपर पुनरवलोकन गर्न मन छ ।
पूर्वन्यायाधीश एवम् कम्पनी कानुनका विज्ञ भरतराज उप्रेतीले आइतबार राति स्वेच्छिक मृत्युको बाटो रोजे । उनले यस्तो समयमा मृत्यु रोजे कि सिंगो मुलुक शताब्दीकै ठूलो प्रलयंकारी घटनाको शोकमा डुबिरहेको छ । आजीवन न्यायको पक्षमा उभिएर र न्याय गरेर धेरैका प्रिय (केहीका अप्रिय पनि) बनेका न्यायाधीश उप्रेतीले शोकमा शोक थपेर न्यायप्रेमी नेपालीमाथि घोर अन्यायसमेत
