माओवादी नेतृत्वमा पुस्ताको मोर्चाबन्दी

एकीकृत नेकपा माओवादीका हरेक केन्द्रीय बैठक र भेलामा र्‍याखर्‍याख्ती पार्ने नेता मोहन वैद्य 'किरण'लाई आफ्नै कित्तामा सामेल गराउन सफल भएपछि केही समयदेखि अध्यक्ष प्रचण्डलाई हाइसन्चो थियो । ललितपुरको खन्ना गार्मेन्टमा बाबुराम भट्टराईमाथि आक्षेप पुग्ने आशयको आफ्नै अभिव्यक्तिका कारण दुखेको टाउकोमा पनि किरणपक्षीय केन्द्रीय नेताहरूकै बलियो आड पाएपछि मलम पुगेको छ । तर, उनका लागि यो हाइसन्चो धेरै दिन नटिक्ने भएको छ । उनलाई पार्टीभित्रै खबरदारी गर्नका लागि नयाँ प्रकारको अभ्यास थालिएको छ । माओवादी नेतृत्वमा रहेका दोस्रो तहका नेताहरूले यसका लागि मोर्चाबन्दी प्रयास थालेका छन् ।

अध्यक्ष प्रचण्डलगायत केन्द्रीय नेताहरू सर्वहारावादी सांस्कृतिक धरातल छाड्दै गएको, कम्युनिस्ट पार्टीका आधारभूत चरत्रिबाट टाढिन थालेको र सहर तथा सुविधाकेन्दि्रत हुन थालेको भन्दै उनीहरू हालको नेतृत्वविरुद्ध भित्रभित्रै आन्दोलन चर्काउने तयारीमा लागेका छन् । नेतृत्वको विलासी प्रवृत्ति र राजनीतिक-सांस्कृतिक स्खलनका कारण आमकार्यकर्ता र समर्थकमा निराशा छाएको उनीहरूको निष्कर्ष छ । यसै कारणले पार्टी त्यागेर अन्यत्र भौँतारनिेको संख्या बढ्दै गएको र तल्लो तहका कार्यकर्तालाई हिजो बाँडिएका सपना अनुसार उपलब्धि देखाउन नसकेको भन्दै उनीहरू नेतृत्वविरुद्ध मोर्चाबन्दी संघर्षमा लाग्ने तयारीमा जुटेका हुन् ।

अहिले ती नेताहरू पालैपालो एकअर्काका निवासमा भेला र छलफल गररिहेका छन् । स्रोतका भनाइमा, देवेन्द्र पौडेल, गंगा श्रेष्ठ, राम कार्की, खड्गबहादुर विश्वकमर्ा, खगराज भट्टलगायत २० जना केन्द्रीय नेता यसमा सामेल छन् । यसलाई उनीहरूले विभिन्न जातीय तथा जनवर्गीय संगठन, राज्य, जिल्ला र स्थानीय तहका कार्यकर्ता तहसम्म लैजाने योजना तय गरेका छन् । पार्टी संस्थापनले लिएको राजनीतिक लाइनप्रति असन्तुष्ट दोस्रो तहका यी नेताहरूले पार्टीमा छुट्टै दस्तावेज प्रस्तुत गर्ने र समानान्तर अधिवेशनमा जानेसम्मका तयारी गरेका छन् । "हाम्रो यो प्रयास पार्टी टुक्र्याउनका लागि होइन । झन् बलियो बनाउनका लागि हो," नाम नछाप्ने सर्तमा असन्तुष्ट समूहका एक नेताले भने, "नेतृत्वमा हुर्कंदै गएको प्रवृत्तिलाई निरुत्साहित गर्न यस्तो प्रयास आवश्यक छ ।"