सरकार ढाल्न ओलीको सकृयता

माओवादी नेतृत्वको सरकार ढलेपछि नयाँ समीकरणका लागि सूत्रधारको काम गरेका नेकपा एमालेका नेता केपी शर्मा ओली अहिले फेर िसक्रिय भएका छन् तर सरकार परविर्तनका लागि । प्रमुख राजनीतिक दलहरूबीच संवाद गरी नयाँ समझदारी निर्माण आवश्यक रहेको निष्कर्षसाथ उनी नयाँ भूमिकाका लागि अघि सरेका हुन् ।

यसबीच, ओलीले माओवादी नेताहरूसँग विभिन्न चरणमा वार्ता गरसिकेका छन् । नयाँ संविधान जेठ १४ भित्रै जारी गरी देशलाई राजनीतिक स्थायित्व प्रदान गर्नका लागि राजनीतिक सहमतिको आवश्यकता रहेको भन्दै उनले माओवादीसँग सहमतिका लागि हात बढाइरहेका छन् । उच्चस्तरीय राजनीतिक संयन्त्रको गोदावरी वार्ताअगाडि कांग्रेस संसदीय दलको कार्यालयमा भएको कांग्रेस-एमाले नेताहरूको छलफलमा उनी सहभागी भएका थिए भने त्यसलगत्तै माओवादी उपाध्यक्ष नारायणकाजी श्रेष्ठसँग वार्ता गर्न पुगेका थिए । श्रेष्ठलाई भेट्न ओली माओवादी संसदीय दलको कार्यालयमा पुगेका थिए । श्रेष्ठलाई भेट्नका लागि उनले २० मिनेट संविधानसभाको क्यान्टिनमा कुरेका थिए । त्यसपछि केहीबेर टहल्दै उनी माओवादी संसदीय दलको कार्यालयमा पुगे । माओवादीको दोस्रो तहका नेतालाई यसरी प्राथमिकताका साथ ओलीले भेटेको सम्भवतः पहिलोपल्ट हो । त्यसको भोलिपल्ट गोदावरीमा भएको संयन्त्रको बैठकमा समेत उनी सामेल भएका थिए । यसअघि माओवादी अध्यक्ष प्रचण्डलगायत शीर्ष नेताहरूले ओली निवासमै पुगेर भोज-वार्ता गरेका थिए ।

एमाले केन्द्रीय कमिटी बैठकले ओलीको संयोजकत्वमा सात सदस्यीय वार्ता टोलीसमेत गठन गरेको छ । एमालेले पार्टी संस्थापनसँग राय बझाउँदै आएका र माओवादीका तीव्र आलोचक नेता ओलीलाई वार्ताका लागि अघि सार्नुलाई पनि राजनीतिक वृत्तमा अर्थपूर्ण मानिएको छ । ओली नेतृत्वको कार्यदलले राजनीतिक सहमति निर्माणका लागि माओवादी, कांग्रेस, फोरम, तमलोपालगायतका सबैजसो दलहरूसँग छलफल गर्नेछ । यसका लागि उसले छ बुँदे एजेन्डासमेत अघि सारेको छ । उच्चस्तरीय संयन्त्रको छलफल पनि यिनै एजेन्डामा केन्दि्रत छ ।