दिल्लीधाममा गच्छदार

उपप्रधानमन्त्री विजयकुमार गच्छदार भारतीय विदेश मन्त्रालयको निमन्त्रणामा फागुन २५ गते नयाँदिल्ली गए । उनको भ्रमण हालको गैरमाओवादी गठबन्धनको समर्थन जुटाउने या निरन्तरताका पक्षामा माहोल बनाउने नभइ व्यत्तिगत राजनीतिक उद्देश्यमा केन्दित थियो ।
मधेसी जनअधिकार फोरमलाइ फुटाएर नयाँ पार्टी गठन गरेपछि उनी पहिलोपल्ट भारत गएका हुन । गच्छदारनिकट स्रोतका अनुसार, जेठ १४ पछि के हुन्छ भन्ने भारतीय चासो र 'म पनि लोकतान्त्रिक धारको नेतृत्व गर्न सक्ष्म छु' भन्ने आशयको गच्छदारको प्रस्तुति प्राय: भेटघाटमा दोहोरियो । गच्छदारका लागि यो अवसर भारतीय राजनेताहरूबीच परिचय र पहु"च विस्तार गने अवसर थियो । त्यसको भरपूर उपयोग उनले गरे । गच्छदारले लोकतान्त्रिक धारको नेतृत्व गर्न सक्ने वैकल्पिक नेताका रूपमा आफूलाइ उभ्याए । मधेसको जनजाति तर राष्टिय नेता आफू भएकाले अबको परिस्थिति सम्हाल्न सक्ने उम्मेदरवारका रूपमा उनले अप्रत्यक्ष रूपमा उभ्याएको स्रोतको दाबी छ ।
गच्छदारले भारतमा भेटे, राष्टि्रय सुरक्षा सल्लाहकार शिवशंकर मेनन, अर्थमन्त्री प्रणाव मुखर्जी, विदेशमन्त्री एसएम कृष्ण र विदेशसचिव निरुपमा रावलाइ । सरकारबाहिर रहेका नेताहरूमा उनले समाजवादी पार्टीका अध्यक्ष मुलायमसिंह यादव, भारतीय राष्ट्रवादी कांग्रेस पार्टीका महासचिव डीपी त्रिपाठी, जनता दल युनाइटेडका अध्यक्ष शरद यादव, भारतीय जनता पार्टीका वरिष्ठ नेता लालकृष्ण आडवाणी, कांग्रेसका कोषाध्यक्ष मोतीलाल बोहरा र राष्टि्रय लोक दलका नेता अजीत सिंहलगायतलाइ भेटे । प्रधानमन्त्री मनमोहन सिंह र कांग्रेस अध्यक्ष सोनिया गान्धीस"ग भने गच्छदारको भेट भएन । केही समयअघि नेपाल धर्मनिरपेक्ष हुन नहुने भनेर चर्चामा आएका चन्द्र स्वामीलाइ भने उनले आश्रममै गएर भेटेका थिए ।