थाङ्‍नामा रिस

'नयाँ जोगीले धेरै खरानी घस्छ' भन्ने उक्तिलाई चरतिार्थ गर्ने शैलीमा विशेष सुरक्षा योजना ल्याएका गृहमन्त्री भीम रावल अहिले चौतर्फी आलोचनाको तारो बनेका छन् । देशभर सुरक्षा अवस्था बिग्रँदै गएपछि उनी प्रायः सबै क्षेत्रको तारो बनेका हुन् । तर, त्यसको रसि भने मातहतका निकायमाथि पोख्दै छन् उनी ।

अरुण सिंघानिया हत्याकाण्डको विरोधमा ज्ञापनपत्र बुझाउन गृह मन्त्रालय पुगेको नेपाल पत्रकार महासंघको प्रतिनिधिमण्डलप्रति दुव्र्यवहार गरेपछि सञ्चारमाध्यममा आलोचनात्मक सामग्री सार्वजनिक भए । टेलिभिजनहरूले पनि त्यो दृश्य जस्ताको तस्तै प्रसारण गरे । उनी पनि के कम ? जुम्राको रसि थाङ्नामाथि भनेझैँ उनले पत्रकारको रसि प्रहरीमाथि खन्याइदिएका छन् । गृहमन्त्रीले सार्वजनिक सुरक्षाको जिम्मा लिएको केन्द्रीय निकायमै निषेधाज्ञा कार्यान्वयन गर्न नसकेको भन्दै सिंहदरबारस्िथत महानगरीय सुरक्षा प्रहरी गणका इन्चार्जलाई सरुवा गरििदएका छन् । पत्रकारको धर्ना रोक्न नसकेको आरोपमा कारबाही भोग्ने प्रहरी अधिकृत हुन्, कुशकुमार थापा । महानगरीय प्रहरी आयुक्त र काठमाडौँ प्रहरी परसिरका प्रमुखलाई फोन गरी प्रहरी निरीक्षक थापालाई तुरुन्त कारबाही गर्न आदेश दिए, रावलले । नभन्दै फागुन २० गते थापालाई बानेश्वरस्थित अन्तर्राष्ट्रिय सम्मेलन केन्द्रको सुरक्षार्थ खटिएको कार्यदलमा पठाइएको छ भने त्यहाँ कार्यरत राजकुमार रानालाइ सिंहदरबार सरुवा गरिएको छ ।

सिंहदरबारभित्र धर्ना, जुलुसलगायत कार्यक्रम निषेध गरिएको छ । प्रहरीको जासुसी संयन्त्रले माओवादीनिकट पत्रकारको उक्साहटमा महासंघको टोलीले धर्ना दिएको रपिोर्ट मन्त्री रावललाई दिएको थियो । स्रोतका अनुसार, माओवादी उक्साहटमा लागेको भन्दै पत्रकार महासंघको टोलीसँग रावल बढी रुष्ट भएका हुन् । जासुसी संयन्त्रले मन्त्री रावललाई महासंघको धर्ना दिने कार्यक्रम नभएको, सूचना विभागद्वारा जारी परचियपत्र देखाएर पत्रकारहरू एकएक गरी सिंहदरबार छिरेको र ज्ञापनपत्र नदिई प्रहरीलाई छलेर धर्नामा बसेको सूचना दिएको थियो ।