रामचन्द्रको रहर

प्रमुख प्रतिपक्षी दल एकीकृत नेकपा माओवादीले अनिश्चितकालीन आमहडतालसहितको आन्दोलन घोषणा गरेपछि चिन्तित बनेका सञ्चार सम्बन्धित संस्थाहरू र व्यवसायीद्वारा राजनीतिक सहमतिका लागि दबाब दिन आयोजित 'निणर्ायक बहस'ले दलहरूबीच संवादको शृंखलालाई जोड्यो । उक्त कार्यक्रम देशभरका सबैजसो विद्युतीय सञ्चार माध्यमहरूले प्रत्यक्ष प्रसारण गरे । कार्यक्रमले छापा माध्यममा पनि उत्तिकै स्थान पायो ।

बहस निणर्ायक बन्न नसके पनि केही नेताहरूले त्यसमा भाग लिन नपाएकामा भने चित्त दुखाएछन् । जस्तो- कांग्रेस उपसभापति रामचन्द्र पौडेल त यसबारे गुनासो गर्दै हिँडेका छन् । कांग्रेसबाट उक्त कार्यक्रममा कार्यवाहक सभापति सुशील कोइरालालाई डाकिएको थियो । कोइरालासँग रामशरण महत र कृष्ण सिटौला कार्यक्रममा सहभागी थिए । बहसमा माओवादीबाट अध्यक्ष पुष्पकमल दाहाल, बाबुराम भट्टराई र मोहन वैद्य सहभागी थिए भने एमालेबाट अध्यक्ष झलनाथ खनाल, ईश्वर पोखरेल र प्रदीप ज्ञवाली । प्रमुख नेताले साथमा अरू दुई नेतालाई ल्याउन सक्ने गरी निम्तो दिइएको थियो ।

कार्यक्रममा दलका प्रमुख नेताका रूपमा आफूलाई नबोलाएकामा पौडेललाई पीडाबोध भएको रहेछ । बीबीसीको साझा सवालमा बोल्न पाएपछि भने उनले राहतको सास फेरे । साझा सवाल रेकर्डिङ् सकिएपछि उनले अन्त्यमा आफ्नो थप इच्छा पनि जाहेर गरे, "अब एकपल्ट प्रचण्डसँगै बसेर अन्तर्वार्ता दिन मन छ ।" उनले त्यस दिन माओवादी उपाध्यक्ष बाबुराम भट्टराईसँग बहस गरेका थिए । कार्यक्रम सञ्चालक र व्यवस्थापन पक्षको आन्तरकि छलफलमा पौडेलको गुनासोलाई कांग्रेसमा नेताहरूबीच रहेको वैमनष्यता र एकअर्कालाई नेताका रूपमा स्वीकार नगर्ने समस्याका रूपमा पनि अथ्र्याइएको थियो ।

Issue: 394 २०६७ वैशाख २६ May 9, 2010

http://www.ekantipur.com/nepal/news/news-detail.php?news_id=1061