संविधानसभाको म्याद लम्ब्याउने कुरामा सबैजसो दलहरू सहमत भइसकेका छन् । तर, प्रक्रियाका बारेमा एकीकृत नेकपा माओवादीलाई भने अप्ठ्यारो महसुस भइरहेको छ । सरकारले संविधान संशोधनको खाका तयार गरी विभिन्न पक्षसँग परामर्श सुरु गरेको छ । संविधानसभा अध्यक्ष सुवासचन्द्र नेम्वाङले पनि चार दिनमै अन्तरमि संविधान संशोधन हुन सक्ने बताइसकेका छन् । यस अनुसार सरकारले जेठ १० गतेअघि नै विधेयक संसद्मा पेस गर्ने तयारी गरेको छ ।
तर, यस प्रक्रियामा परेको नैतिक संकटका बारेमा माओवादी अध्यक्ष पुष्पकमल दाहाल प्रचण्डले संविधानसभाका अध्यक्ष सुवासचन्द्र नेम्वाङलाई अवगत गराएका छन् । वैशाख २९ गते प्रचण्डले सभामुख नेम्वाङसँग भेटी आफू नैतिक संकटमा पर्ने सम्भावनालाई ख्याल गरििदन आग्रह गरे । आफूले कठपुतली भन्दै आएको सरकारले संविधान संशोधनको विधेक पेस गरेमा माओवादीलाई अप्ठ्यारो पर्ने उनको भनाइ रहेछ । संविधानसभाको म्याद थप्न संविधान संशोधन गर्नैपर्ने र सरकारी विधेयकलाई मान्यता पनि दिन नसकिने भएकाले आफू नैतिक संकटमा परेको गुनासो प्रचण्डले गरे । तर, अध्यक्ष नेम्वाङले त्यसको कुनै ठोस प्रत्युत्तर दिएका छैनन् । स्रोतका अनुसार, प्रचण्डले संशोधन विधेयक सरकारका तर्फबाट नभई दलहरूका सचेतकहरूमार्फत ल्याउन आग्रह गरेका छन् । अरू ऐनसम्बन्धमा सरकारले टेबुल गरेका विधेयकमाथिका छलफलमा भने माओवादीले भाग लिँदै आएको छ ।
Issue: 395 २०६७ जेष्ठ २ May 16, 2010
No comments:
Post a Comment