न्यायपरिषद्ले न्यायाधीश नियुक्त गर्न नसकेको भन्दै न्यायिक नेतृत्वको आलोचना गर्ने वकिल र बार पदाधिकारी जति पनि भेटिन्छन्। ‘अदालतमा ढिलासुस्ती भयो, जनताले न्याय पाएनन्’ भनेर बार एसोसिएसनले सम्झाएको सम्झायै छ। न्यायपालिकाको नेतृत्व अकर्मण्य भएको आरोप लगाइँदै छ। हो, न्यायपालिकाको नेतृत्वमा पछिल्ला केही वर्षयता अकर्मण्यता देखिएकै हो। तर, बारको प्रतिनिधित्व गरेर न्यायपरिषद् सदस्य भएका उपेन्द्रकेशरी न्यौपानेले राजीनामा दिएको ६ महिना पुग्दै छ।
आफ्नो कोटाबाट पठाउनुपर्ने एक जना विज्ञ कानुन व्यवसायीलाई सदस्यका रूपमा सिफारिस गर्न नसक्ने बार नेतृत्वले यो पनि बुझ्नुपर्ने हो कि औँला आफूतिर पनि फर्किन सक्छ। कांग्रेस–एमाले मतभेद, कांग्रेसभित्रैका दुई खेमाको विवाद अनि बार नेतृत्वको व्यक्तिगत आकांक्षाको सिकार त्यो संवैधानिक निकाय भइरहेको छ। आफू व्यक्तिगत, पार्टीगत र गुटगत स्वार्थबाट बाहिर आउन नसक्ने, त्यही कारणले राज्यसंयन्त्रमा पुगेको क्षतिप्रति आँखा चिम्लने तर आफूले कतै जवाफ दिनु नपर्ने। अनि, सधैँभर अरूतिर मात्र औँला सोझ्याएर बस्न मिल्छ ?
No comments:
Post a Comment