ठमेल लाइभ

दृश्य १

"त्यस् तो मसाज गर्ने भए त माथि जानुपर्छ," यति भनेर तेलको बट्टा र रुमाल बोकेर उनी काउन्टरमा फर्किइन् । "फुल पेमेन्ट रै'छ, खालि मलाई तेल बोक्न लगाएर...," उनले भनिन् । त्यसलगत्तै काउन्टरमा बसेकी अधबैँसे महिलाले आधा घन्टा मसाजका लागि तय भएको तीन सय रुपियाँबाट बढाएर चार सय रुपियाँको हिसाब गरनि् । त्यसमा पुरुषहरूले प्रयोग गर्ने परविार नियोजनको अस् थायी साधनको २० रुपियाँ पनि जोडिन् र माथिल्लो तला जान भनिन् । निस् कँदा-निस् कँदै नम्र शैलीमा उनी गुन्गुनाइन्, "कस् तो सोझो मान्छे । पहिले नै भन्नुपर्छ नि, यस् तो चाहिएको भनेर !"

पहिला तेल समाएर आएकी युवती पछि अर्को एक थान अस् थायी साधन बोकेर आइन् । अँध्यारो कोठामा लिएर गइन् । त्यहाँको काम, वातावरण, आम्दानी र उनका व्यक्तिगत कुराबारे सोध्न थालेपछि उनी झर्किइन्, "तपाईं अन्तर्वार्ता लिन आएको हो र ? धेरै बोलेपछि यहाँ पुलिस आउँछ । छिटो गर्नूस् !"

ठमेल अर्थात् काठमाडौँकै व्यस् त र विदेशी पर्यटकको सर्वाधिक चहलपहलको केन्द्र । ठमेलको पनि नरसिंह चोक, जहाँ पर्यटकलाई लक्षित गरी हस् तकलाका झकी-झकाउ पसलहरू छन् । पदयात्राका लागि चाहिने सामग्रीहरूका पसलले त्यो ठाउँ थप रंगिएको छ । 'ओम माने पेमे...', 'रेसम फिरीरी...'जस् ता चर्चित सांगीतिक धुनहरू र हस् तकलाका घुमुवा बिक्रेताका सारंगी र बाँसुरीका आवाजले त्यो ठाउँलाई थप रौनकमय बनाउँछ । त्यही रौनकलाई छिचोलेर अलि भित्री गल्लीतिर छिर्ने हो भने बेग्लै वातावरणको सामना गर्न पुगिन्छ । त्यही गल्लीमा रहेको एउटा मसाज केन्द्रभित्रको दृश्य हो, यो ।

नरसिंह चोकको पश्चिमपट्ट िलहरै हस् तकला र पदयात्राका सामग्री पाइने पसल र ट्रेकिङ् एजेन्सीका कार्यालय छन् । तिनको बीचबाट भित्र छिर्ने हँसिया आकारको बाटो छ । त्यही बाटोको बायाँपट्ट िहेर्दै गएपछि देखिनेछ, आयुर्वेदिक मसाजसम्बन्धी मैलो र पुरानो साइनबोर्ड । जसले एक तला माथि उक्लिन संकेत गररिहेको छ । भुइँतलाको सटरमा किराना पसल छ । त्यसको ठीक माथि झ्यालबाट चुइगम पड्काउँदै वा गीत गुनगुनाइरहेका केही युवतीहरूलाई देख्न सकिन्छ । त्यो मसाज केन्द्रको काउन्टर रहेको कोठा हो । काउन्टर कोठामा दुई सेट सोफा राखिएका छन् । तिनै सोफामा फुर्सदिला युवतीहरू कोही चुइगम पड्काइरहेका, कोही शृंगार, पहिरन मिलाइरहेका त कोही हिन्दी गीत गुनगनाइरहेका भेटिन्छन् । पैसा बुझाइसकेपछि काउन्टरकी महिला सोध्छिन्, "ल छान्नूस्, कोसँग जाने ?" अनि, ग्राहकले सोफामा बसिरहेका युवतीमध्येबाट एउटालाई छान्नुपर्छ ।

"यी गेस् टहाउसका कोठा हुन् । हामीले भाडामा लिएर चलाइरहेका छौँ," युवतीले प्यासेजबाट लहरै रहेका कोठा देखाउँदै भनिन्, "हामी यो कोठामा जाऊँ !" दुईवटा बेड भएको कोठामा उनले लगिन् । अट्याच बाथरुम भए पनि त्यहाँ पानी थिएन । "ठमेलमा पानी छैन," गन्हाउने शौचालयबारे उनको प्रस् टीकरण थियो, "एकछिनका लागि कति पो गन्हाउला र !" दुइटा बेड भए पनि एउटामा मात्रै तन्ना ओछ्याइएको थियो । एउटा मैलो तौलिया थियो, कोठामा बत्ती थिएन । "बत्ती किन चाहियो ? एकछिनका लागि त हो नि !" फेर िपुरानै शैली र शब्द दोहोर्‍याइन् उनले । त्यतिन्जेल सँगैको अर्को कोठा छिरसिकेको एक जोडीले गाइँगुइँ गर्न थालिसकेको थियो ।

दृश्य २

यस घरलाई छाडेर अझ अघि बढ्ने हो भने मसाजका अरू बोर्डमा आँखा ठोक्किनेछन् । तीमध्ये एउटामा त मसाजका प्रकार र तस् िबर पनि राखिएका छन् । घरको भित्तामा पनि मसाज लेखिएका संकेतहरू छन् । तर, ती लेखाइ खुइलिँदै गएका छन् । जुन बोर्ड हेरेर गए पनि भित्र कुनै फरक प्रकृतिको मसाज भेटिँदैन । "मसाज गर्न आ'को दाइ  ?" यही प्रश्नबाट ग्राहकको मागबारे सम्पूर्ण अनुमान लगाइसक्छन्, काउन्टर र सोफामा बस् ने युवतीहरूले ।

"मसाज हुन्छ ?"

"हुन्छ, कुन मसाज गर्ने ?" सोफामा पल्टिरहेकी मोटी युवतीले सोधिन् । तर, उनले मसाजका प्रकारबारे थप केही बताइनन् । बरु अर्की अलि छरतिी युवती उठेर नजिकै आइन् र लेघ्रो तान्दै भन्न थालिन्, "जस् तो मसाज पनि हुन्छ रे क्या !"

"कति पैसा ?"

कोही बोलेनन् । उभिएकी युवतीले हातको पञ्जा देखाइन्, जसको अर्थ हुन्थ्यो, पाँच सय रुपियाँ । त्यतिञ्जेल उनी जीउमै लहसिन आइसकेकी थिइन् । अबको उनको काम पछाडिबाट टाँस् िसने, कान-नाकमा छुने र शरीरका अंगबारे टीका-टिप्पणी गर्ने हुन थाल्यो । पाँच सयबाट चार सय रुपियाँमा तयार भइन् ।

"घरमा सित्तैँमा पाइने बूढीलाई छाडेर आयो होला । यहाँ तीन सय भन्छ," ती किशोरीले हप्काइन् । केहीबेरपछि उनी ग्राहकका रूपमा पुगेका अर्का व्यक्तिसँग गफिन थालिन् । ती व्यक्तिको कपाल पूरै फुलेको थियो । नाकका रौँ पनि अस् वाभाविक रूपमा बाहिर निस् केका थिए । आधा बाहुला भएको सर्ट र नीलो पाइन्ट देखाएर ती किशोरी भन्दै थिइन्, "यी बूढा त अफिसको ड्रेसमा सीधै यहाँ आएछन् कि क्या हो  ?" बूढा फिस् स हाँसे मात्रै । सोफामा सुतिरहेकी युवती चर्किइन्, "जहाँबाट आए पनि के भो ? त्यही चाहिएर त आयो होला नि ! लौ बाजे, खुरुखुरु पैसा झिक्नूस्, छिटो माथि गइहाल्नोस् ।" एकछिनपछि उनी ती छरतिी युवतीलाई लिएर माथिल्लो तला उक्ले ।