संघीय मामला, संविधानसभा, संसदीय व्यवस्था तथा संस्कृति मन्त्रालयका सचिव प्रमोदकुमार कार्कीको पर्यटन तथा नागरकि उड्ययन मन्त्रालयको जिम्मेवारी सम्हाल्ने रहर अन्तिम अवस्थामा तुहिएको छ । पर्यटनमा सचिव पद खाली भएकाले उनले मन्त्री शरत्सिंह भण्डारीलाई मनाएर त्यहाँ जाने तारतम्य मिलाएका थिए ।
वैशाख १० गतेको मन्त्रिपरष्िाद् बैठकले सचिवहरूको सरुवाका लागि सिफारसि गर्न उपप्रधान तथा भौतिक योजनामन्त्री विजय गच्छदारको नेतृत्वमा तीन सदस्यीय समिति बनाएको थियो । समितिमा सामान्य प्रशासनमन्त्री रवीन्द्र श्रेष्ठ र संस्कृतिमन्त्री मीनेन्द्र रजिाल थिए । समितिले सचिव प्रमोदकुमार कार्कीलाई कानुन समूहबाट प्रशासन समूहमा सेवा परविर्तन गरी पर्यटन तथा नागरकि उड्डयनमा सरुवाको निर्णय गरेको थियो । यस निर्णयलगत्तै प्रशासन समूहका एक हूल सहसचिवहरूले प्रधानमन्त्री तथा मन्त्रिपरष्िाद् कार्यालयमा पुगेर विरोध जनाए । उनीहरूले लिखित रूपमा मुख्यसचिव र प्रधानमन्त्रीलाई विरोधपत्र दिएपछि कार्कीको सरुवा स्थगित भएको छ । प्रधानमन्त्री माधव नेपाल र मुख्यसचिव माधव घिमिरे सहसचिवहरूलाई नचिढ्याउनु जाती हुने भन्दै सरुवाको निर्णय कार्यान्वयन नगर्ने मूडमा पुगेका छन् ।
राजनीतिक भागबन्डा मिलाउन नयाँ मन्त्रालयका रूपमा सिर्जना गरएिको संस्कृतिमा सचिव कार्की जगेडाजस्तै कामविहीन भएर बसेका छन् । खासै धेरै काम नभए पनि दुई सचिव यस मन्त्रालयले धानिरहेको छ । उता, धेरै बजेट, प्रत्यक्ष जनसरोकार तथा राष्ट्रिय-अन्तर्राष्ट्रिय सम्बन्धका कारण पर्यटन मन्त्रालय बढी आकर्षण र दायित्व भएको मन्त्रालय मानिन्छ, जुन निमित्त सचिवका भरमा लामो समयदेखि चलिरहेको छ ।
No comments:
Post a Comment