अब घुम्ती अदालत !

वर्षौंदेखि अदालत धाएर हैरान हुनुभएको छ र लम्बेतान कानुनी प्रक्रिया खेप्दाखेप्दै दिक्क हुनुभएको छ भने अब खुसीको खबर छ ः तपाईंको दैलोमै आएर न्याय छिन्ने दिन आउँदैछ । सरकारद्वारा गठित एक महत्त्वपूर्ण कानुन परमिार्जन कार्यदलले घुम्ती अदालतको खाका सुझाएको छ । यसको कार्यान्वयन हुँदा सानातिना मुद्दामा अदालत गइराख्नुपर्ने छैन ।

परम्परागत कानुनी व्यवस्था, अदालती संरचना एवं अभ्यासका कारण आमजनताले न्याय पाउन नसकेको निष्कर्ष निकाल्दै फौजदारी कानुन परमिार्जन तथा सुधार कार्यदलले हालै यस्तो सिफारसि गरेको छ ।

कार्यदलले अपराध संहिता, फौजदारी कार्यविधि संहिता तथा फौजदारी कसुर -सजाय निर्धारण तथा कार्यान्वयन) ऐनको मस्यौदामा घुम्ती अदालतको व्यवस्थामा जोड दिइएको छ ।

विद्यमान कानुनी व्यवस्थाबाट सानातिना कसुरहरू फौजदारी न्याय प्रशासनको मूलप्रवाहबाट बाहिर रहेकाले तिनको समाधान कानुनी बाटोबाट गर्न घुम्ती अदालत आवश्यक रहेको कार्यदलको ठहर छ । यस्ता अदालतले सदरमुकामबाहेका स्थानमा पनि न्यायाधीशलाई पुर्‍याएर संक्षिप्त कार्यविधि अपनाई मुद्दाको कारबाही र किनारा गर्न सक्नेछन् ।