नेपाली कांग्रेस र एकीकृत नेकपा माओवादीका शीर्षस्थ नेताहरूबीच ठमेलस्िथत वैशाली होटलमा जेठ ४ गते राजनीतिक गतिरोध अन्त्य गर्ने विषयमा वार्ता भयो । वार्ताका क्रममा सेना समायोजन, संविधानसभाको म्याद थपलगायत विषयमा छलफल भएको थियो । छलफलकै बीचमा राष्ट्रिय सहमतिको सरकार गठन र यसको नेतृत्वबारे प्रसंग उठ्यो । नयाँ सरकारको नेतृत्वको प्रसंगमा आफ्ना धारणा राख्ने क्रममा माओवादी अध्यक्ष पुष्पकमल दाहालले कांग्रेस संसदीय दलका नेता रामचन्द्र पौडेललाई बारम्बार सम्बोधन गरे । उनको आशय नेता 'पौडेल पनि प्रधानमन्त्रीका लागि योग्य' भन्ने थियो ।
वैशाली-वार्तामा माओवादीका प्रचण्डलगायत मोहन वैद्य, पोष्टबहादुर बोगटी र कांग्रेसका पौडेललगायत सुशील कोइराला, विमलेन्द्र निधि र कृष्ण सिटौला अन्त्यसम्मै बसेका थिए । माओवादीद्वारा कांग्रेसलाई सरकारको नेतृत्वका लागि प्रस्ताव गरेको हो भन्ने सञ्चारकर्मीहरूको जिज्ञासामा कांग्रेस नेता सिटौलाले अस्पष्ट जवाफ दिए । "साथीहरूले प्रधानमन्त्रीको पदलाई प्राथमिकतामा राखेका छन् तर प्रधानमन्त्री र मन्त्री फेरँिदैमा समस्या समाधान हुँदैन," सिटौलाले भने । माओवादी नेताहरूले भने देउवाले आफूलाई प्रधानमन्त्रीको प्रस्ताव नगरेको झाँेकमा बैठक छाडेर हिँडेको भन्न थालेका छन् ।
No comments:
Post a Comment