काफ्ले-काइदा ! 

माओवादी लडाकूका नाममा शिविरमा गएको अर्बौं रुपियाँमा भ्रष्टाचार भएको कुरा विपक्षी संगठनले मात्रै होइन, सोही पार्टीका कार्यकर्ताले समेत उठाउँदै आएका छन्। काठमाडौँमा सम्पन्न विस्तारति बैठकमा एकीकृत नेकपा माओवादीका अध्यक्ष पुष्पकमल दाहाल 'प्रचण्ड'लाई यही विषयमा पूर्वलडाकूहरूले संगठित रूपमै आवाज उठाएर आच्छुआच्छु पारे। र, अन्ततः छानबिन समिति बनाएर थुमथुम्याइयो। 

तर, शिविरमा लडाकूको भरणपोषण माओवादी पार्टीको कोषबाट गएको थिएन। त्यो त सीधै राज्यकोषबाट गएको थियो। यसबारे अख्तियार दुरुपयोग अनुसन्धान आयोगले अहिलेसम्म किन अनुसन्धान गरेन त ? अख्तियार दुरुपयोग अनुसन्धान आयोगका कार्यवाहक प्रमुख एवं सचिव भगवतीकुमार काफ्लेले आफ्नै कार्यालयमा आयोजित कार्यक्रममा भने, "एउटै काम दुईवटा निकायले किन गर्नु भनेर।" क्या गज्जब ! जसले अनियमितता गरेको आरोप छ, उसैलाई छानबिनको जिम्मा ! सचिव काफ्लेका अनुसार एकीकृत माओवादीले हेर्दै छ। उनी भन्छन्, "छानबिनबाट आएको प्रतिवेदन सार्वजनिक होला। त्यसबारे आमनागरकिले चित्त बुझाए ठीकै छ। नत्र हामी पनि हेरौँला।" हुन पनि केको हतार ? यत्रो ठूलो 'गौरवशाली' पार्टी छ। त्यसले नदेखेको भ्रष्टाचार फुच्चे अख्तियारले कसरी देख्ला ? होइन त सचिवज्यू !
http://www.ekantipur.com/nepal/article/?id=4327