शक्ति प्रदर्शन छाडेर टाप !

कसैलाई केको धन्दा, घरज्वाइँलाई खानको धन्दा भन्ने उखानको पछिल्लो संस्करण हेर्नु छ भने नेकपा एमालेतिर दृष्टि लगाए हुन्छ। त्यहाँ कसैलाई पार्टी छाडेर जातीय संगठनको वकालत गर्नैमा फुर्सद छैन त कसैलाई कांग्रेसको घरझगडाबाट उछिट्टनि सक्ने प्रधानमन्त्रीको कुर्सी टिप्ने हतारो। 

पार्टीको औपचारकि निर्णय भने सम्पूर्ण शक्ति सरकारविरुद्धको प्रदर्शनमा लगाउने भन्ने छ। त्यही निर्णय अनुसार एमालेको मोर्चा संगठनद्वारा आयोजित शक्ति प्रदर्शनलाई छल्ने गरी पार्टीका वरष्िठ नेता एवं पूर्वप्रधानमन्त्री माधव नेपाल भने जापानतिर हान्निएका छन्, १६ असोजमा। २४ असोजमा मात्रै उनी स्वदेश फिर्नेछन्। सायद '१९ गते कोही एमाले घर बस्दैन' भन्ने नारालाई सार्थक बनाउन पो हो कि उनी टाप कसेका ? 

संविधानसभा विघटनपछि विदेश बरालिनमै धेरै समय खर्चेका छन् नेपालले। अमेरकिा पुगेर डेरा खोज्दै भौँतारएिको प्रसंग पनि एमालेवृत्तमा अझै चर्चामा छ। यसको कारण थियो, प्रधानमन्त्रीसमेत भइसकेका र १५ वर्षभन्दा बढी समय पार्टीको नेतृत्व गरेका व्यक्ति विदेशबाट जस्तो निम्तो आए पनि दौडिहाल्ने उनको प्रवृत्ति। 
http://www.ekantipur.com/nepal/article/?id=4358